قصـتي مع القرآعيـن /~/ ^_^

السلام عليكم

البعض مستغرب ويقول شنو هالاسم [ Qar3on ] < ترى يكذب

المهم انا اول مادخلت جت اختي الصغيره تقول لي

شوف كرآعيني شوف كرآعيني . وانا اقولها اي كرآعين

المهم انا فهمت عليها بس قعدت استهبل ، واقولها وين الكراعين مااشوفها

انقهرت فيني وقآمت عني وقلت انا فيهآ لا بآرك الله فيهآ

المهم البنت المينونه البريئه شسوت ..

راحت تبي تصـور شعـرهآ وتجيب الصوره عندي ..

يعني المجنونه اخذت جوال امي وحاولت تصورها .. وش تسوي المسكينه

كيف تحط ايدها ورآء وتصور .. المهم بعد الجهد طآحت على ظهرها لانها كانت بالمطبخ

والجـوال الحمد لله مانكسر < خايف ع الجوال اكثر منها

المهم انها جلست تصيييح المسكينه .. امي ع طول سمعت الصرآخ وقامت لها

وقالت امي لها شفيكي وليه ماخذه الجوال ومية سؤال ع الطاير ..

هههههه .. المهم رآآآآحت ع طول عندي وجلست تصآرخ وتضرب فيني

وبعدين عرفت امي السالفه .. وجآت تقول لي شفيك انت تلعب براس الطفله [ الجآهله ]

المهم جت لي مره ثآنية وقالت لي ، شوف كرآعيني

قلت لها وين كراعينك ايه شفتهم ، جميلين مرره

وفي هاليوم كتبت التوبيك بالمسن حقي [ Qar3on ] ..

وصرت معلق عليه .. بس تصدقون عاد هالسالفه دايم اعايرها بها

ولو سوت حآجة اسوي لها اعلان واخليهم يضحكون عليها

< مجرم .. بس هذه طريقه عشآن تخلي الاطفال يتباعدون عنك شوي

هههههههههههههه المسكينه من اتكلم عن السالفه تقوم تدخل الغرفه وتقفل الباب

وآنا ميت ضحك عليهآآ [ ومااقدر اقول الا شيء واحد ] ~ خلي كرآعينك تنفعك ~ ههههههههه

طبعا هي كانت توهآ تتكلم ع خفيف لذلك عندها اغلاط .. والحين صآر ثلاثه شهور تقريبا من هالسالفه

بس كل يوم تجي ع بالي مدري ليش ، وكل يوم اعيارها اقولهآ سوي لك كرآعين بس الحين صآرت ترد علي اللغويه

والمعذره انا ماعرف اتكلم الا قطيفي ،، ممنوع الفصحى .. هذآ شعآري

ههههههههههههه.. هذا سبب النيك الغريب

ههههههههه..